Xa temos gañador@s do concurso de envoltorios Por un Nadal máis sostible

O pasado luns, 18 de xaneiro de 2021, resolveuse o concurso de envoltorios. Seleccionáronse un total de 3 propostas gañadoras de entre todas as recibidas.

5a8a6ebcf1b6c01384a4080bbdddfa477686c0ce
O Nadal sempre é unha época na que a xeración de residuos se incrementa. Por tal motivo, e co fin de facer que estas festas sexan máis sostibles, a Tropaverde puxo en marcha un concurso de envoltorios.

Este concurso desenvolveuse baixo o título "Por un Nadal máis sostible" e estiveron a chamadas a participar nel todas as persoas que forman parte da Tropaverde SCQ. As bases de participación foron publicadas o día 22 de decembro de 2020 e o prazo de envío de proposta permanceu aberto ata o mércores, 13 de xaneiro de 2021.

Unha vez rematado dito prazo, o xurado, composto polo xornalista Xosé A. Perozo, a deseñadora gráfica Paula Cantero, a responsable de proxectos europeos do Concello de Santiago de Compostela, Eva Ezcurra e unha persoa representante da empresa Teimas (creadora da iniciativa Tropaverde). Da súa deliberación resultaron seleccionadas as 3 propostas gañadoras. As persoas que se atopan detrás de cada unha destas propostas recibirán como premio un lote de produtos Tropaverde, xunto con dous libros do xornalista Xosé A. Perozo.