Concurso: por un Nadal máis sostible
Quen?
Todas as persoas rexistradas na TropaverdeSCQ.Como?
Confeccionando o teu envoltorio de agasallo con materiais reutilizados, reutilizables e/ou biodegradables e enviando unha fotografía do mesmo por correo electrónico a info@tropaverde.org ou compartíndoa de xeito público no teu perfil de Facebook etiquetando á TropaverdeSCQ. Tamén se admitirá o envío de fotografías por mensaxe privada á páxina de Facebook da Tropaverde.
Cando?
O período de participación será do martes 22 dedecembro de 2020 ao mércores 13 de xaneiro de 2021 ás 23:59h. O resultado do concurso farase público o luns 18 de xaneiro. As persoas gañadoras serán contactadas a través do mesmo medio (correo electrónico ou Facebook) do que participen no concurso.
Premio
Cada persoa gañadora recibirá un lote de agasallos composto por: unha botella de vidro reutilizable, unha bolsa de tea, unha bolsa de merenda de tea e un libro do xornalista Antonio Perozo.
Nesta ligazón tes dipoñible unha imaxe dos agasallos.
Concurso de envoltorios
Envolver os teus regalos con materiais reutilizados, reutilizables e/ou biodegradables, ten premio!
- Confecciona envoltorios de regalos con materiais reutilizables, biodegradables e/ou reutilizados evitando en todo caso o uso de materiais plásticos (derivados do petróleo). Algúns exemplos de materiais a empregar son: xornais e revistas vellos, tea, fíos de fibras naturais (lá, esparto, algodón, …), elementos naturais (follas, flores secas, pequenos froitos,…), etc.
- Realiza unha fotografía do envoltorio confeccionado.
- Envíanos as túas fotografías a través de calquera das 3 (tres) vías de participación:
- Envío das fotografías ao enderezo de correo electrónico info@tropaverde.org indicando no asunto “Consurso Nadal máis sostible”.
- Publicación das fotografías de xeito público no teu perfil de Facebook, nomeando á Tropaverde SCQ (@tropaverdeSCQ) na publicación.
- Envío da fotografías por mensaxe privada á páxina de Facebook da Tropaverde.
En cada fotografía deben indicarse os materiais empregados para confeccionar o envoltorio. Ditos materiais especificaranse por escrito no corpo do correo electrónico, no texto da publicación en Facebook ou no texto que acompañe á mensaxe privada de Facebook.
O día e lugar de entrega dos premios acordarase coas persoas que resulten gañadoras. A persoa que recolla o premio deberá acreditar documentalmente a súa identidade.
Os criterios a avaliar para a selección das tres persoas gañadoras son:
· Variedade de materiais empregados.
· Orixinalidade no uso dos devanditos materiais.
· Potencial de reutilización dos materiais empregados.
Para máis información consulta as Bases da campaña que atoparás máis adiante, ao final desta páxina.