A cadea de tendas de moda española pertencente ao grupo Inditex lembra nestas datas do Nadal a súa campaña de reciclaxe de roupa que xa puxo en marcha a mediados do presente ano. "Como parte do noso compromiso social e ambiental axudámosche a alongar a vida útil das túas pezas dunha maneira máis fácil", reza o comunicado de Zara.

Esta iniciativa busca poñer o foco na reciclaxe de roupa e a doazón da mesma. A roupa de Zara, ou de calquera outra tenda, que os clientes xa non queiran poden depositala nos colectores situados nas propias tendas de Zara (do mesmo xeito que calzado, bixutería, bolsos...). Actualmente pódense atopar máis de 300 colectores entre España, Portugal, UK e unha selección de tendas de China, Irlanda, Holanda, Suecia e Dinamarca. A firma de moda informa de ao longo deste ano ampliarán o número de puntos de entrega nestes países. En 2017 instalarán colectores tamén en Alemaña, Francia, Italia, Polonia, Grecia, Austria, Suíza, Xapón, USA, Rusia, Corea e Australia.

Pero ademais desta proposta, Zara tamén recolle esa roupa que xa non se quere no propio fogar. Polo momento esta opción está dispoñible en España e cando o pedido realízase online. "Cada vez que fagas un pedido online poderás solicitar unha recollida gratuíta para que reciclar esas pezas sexa aínda máis fácil. Solicita a recollida ao finalizar o teu pedido, prepara a caixa coas pezas que queres que teñan unha nova vida e entrégalla ao mensaxeiro cando che leve o teu pedido a casa. O mensaxeiro de Seur encargarase de facerllo chegar a Cáritas Española xunto co resto de pezas recollidas nas nosas tendas", explican desde a compañía.

Por tanto, toda a roupa recollida a través da rede de tendas de Zara dóase directamente a Cáritas (en España), Cruz Vermella (Portugal, Suecia, UK, Dinamarca, Holanda), CEPF (China) e Oxfam (Irlanda), onde separan e clasifican cada unha das pezas para darlle o destino máis adecuado.

Ta e como explican desde Zara, esta roupa que se entrega para reciclar pode ser transformada en novos tecidos ou as organizacións solidarias poden comercializalas para proxectos solidarios.

A firma téxtil afirma que eles mesmo doan os tecidos sobrantes para "o desenvolvemento de novas fibras recicladas e investimos en proxectos de innovación en colaboración co MIT e Lenzing".

Este proxecto forma parte do modelo de investimento en programas sociais de Zara e nin eles nin o cliente que entrega a peza obtén un beneficio económico da acción.