Un informe revela que 20 empresas producen o 55% dos residuos plásticos do mundo,
O índice Plastic Waste Makers identifica a quen impulsa a crise climática coa produción de polímeros virxes
Artigo de The Guardian traducido ao galego. Le o artigo completo aquí.
Fotografía de Brian Yurasits
Entre as empresas globais responsables do 55% dos residuos de envases de plástico do mundo atópanse as corporacións estatais e multinacionais, incluídos os xigantes do petróleo e o gas e as empresas químicas, segundo unha nova análise exhaustiva.
Top 20 de productores de plástico de un só uso:
- ExxonMobil contibúe ao 5.9% do total do residuo de plásticos dun só uso
- Dow 5.6%
- Sinopec 5.3%
- Indorama Ventures 4.6%
- Saudi Aramco 4.3%
- PetroChina 4%
- LyondellBasell 3.9%
- Reliance Industries 3.1%
- Braskem 3%
- Alpek SA de CV 2.3%
- Borealis 2.2%
- Lotte Chemical 2.1%
- Ineos 2%
- Total 1.9%
- Jiangsu Hailun Petrochemical 1.6%
- Far Eastern New Century 1.6%
- Formosa Plastics Corporation 1.6%
- China Energy Investment Group 1.5%
- PTT 1.5%
- China Resources 1.3%
O índice Plastic Waste Makers revela por primeira vez as empresas que producen os polímeros que se converten en artigos plásticos refugables, dende máscaras ata bolsas e botellas de plástico, que ao final da súa curta vida contaminan os océanos ou son queimados ou lanzados á entulleira.
Tamén revela que Australia lidera unha lista de países que xeran a maior cantidade de refugallos plásticos dun só uso per cápita, por diante de Estados Unidos, Corea do Sur e Gran Bretaña.
ExxonMobil é o maior contaminante de residuos plásticos dun só uso do mundo, contribuíndo con 5,9 millóns de toneladas á montaña de residuos global, conclúe a análise da Fundación Minderoo de Australia con socios como Wood Mackenzie, a London School of Economics e o Stockholm Environment Institute. A empresa de produtos químicos máis grande do mundo, Dow, con sede en EEUU, Creou 5,5 millóns de toneladas de residuos plásticos, mentres que a empresa chinesa de petróleo e gas, Sinopec, creou 5,3 millóns de toneladas.
Once das empresas teñen a súa sede en Asia, catro en Europa, tres en América do Norte, unha en América Latina e unha no Medio Oriente. A súa produción de plástico está financiada polos principais bancos, entre os que se atopan Barclays, HSBC, Bank of America, Citigroup e JPMorgan Chase.
A enorme pegada de residuos plásticos das 20 principais empresas mundiais ascende a máis da metade dos 130 millóns de toneladas métricas de plástico dun só uso refugadas en 2019, segundo a análise.
Os plásticos dun só uso fabrícanse case exclusivamente a partir de combustibles fósiles, o que impulsa a crise climática e, debido a que son algúns dos elementos máis difíciles de reciclar, terminan creando montañas de refugallos globais. Só entre o 10% e o 15% do plástico dun só uso recíclase a nivel mundial cada ano.
A análise proporciona unha visión sen precedentes da pequena cantidade de empresas petroquímicas e os seus patrocinadores financeiros, que xeran case todos os refugallos plásticos dun só uso en todo o mundo.
Al Gore, o ecoloxista e exvicepresidente de Estados Unidos, dixo que a innovadora análise expuxo como as empresas de combustibles fósiles apresurábanse a cambiar a produción de plástico, xa que dous dos seus principais mercados, o transporte e a xeración de electricidade, estábanse descarbonizando.
“Dado que a maior parte do plástico está feito de petróleo e gas, especialmente gas fracturado, a produción e o consumo de plástico están a converterse nun factor importante da crise climática”, dixo Gore.
“Ademais, os refugallos plásticos que resultan, en particular dos plásticos dun só uso, están a acumularse nas entulleiras, ao longo das estradas e nos ríos que transportan grandes cantidades ao océano”.
A crise dos residuos plásticos crece cada ano. Nos próximos cinco anos, a capacidade global para producir polímeros virxes para plásticos dun só uso podería crecer en máis dun 30%. Para 2050, espérase que o plástico represente entre o 5% e o 10% das emisións de gases de efecto invernadoiro.
Voltar o listado