A plataforma Back Market tamén fixo unha análise dos dispositivos, compoñentes e iniciativas máis ecolóxicas que ofrece o mercado dos teléfonos móbiles intelixentes. Entre as tendencias relacionadas con tecnoloxía sustentable destacan os móbiles solares, os teléfonos modulares e o uso de materiais reciclados. 

Con todo, aínda que os teléfonos móbiles concentran agora os maiores esforzos no desenvolvemento de tecnoloxías sustentables, existen infinidade de dispositivos baseados no respecto ao medio ambiente:

Móbiles modulares: Estes smartphones, que funcionan como pequenos crebacabezas formados por pezas independentes, aspiran a revolucionar o mercado da telefonía móbil grazas á posibilidade de substituír cada unha das partes do dispositivo por separado, alongando así a vida útil do móbil dos dous anos de media actuais a cinco. O proxecto máis ambicioso é ARA, de Google, cuxo lanzamento está previsto para setembro de 2017.

Dispositivos solares: Un dos inventos máis curiosos é a radio ONEMI, deseñada polas Oficina Nacional de emerxencia de Chile como ferramenta para situacións tales como terremotos nas que as comunicacións se complican. Trátase dunha radio fabricada en cartón reciclado e que funciona con enerxía solar.  Por suposto, tamén hai varios smartphones que se cargan coa luz do sol, o primeiro foi o Samsung Solar Guru 1107, lanzado no mercado indio en 2009. 

Materiais ecolóxicos: No terreo dos smartphones chama moito a atención o O₂ Recycle, un prototipo feito de céspede. O teléfono está construído a partir de pezas recicladas de vellos teléfonos, madeira, resina e herba do estadio de Twickenham no Reino Unido, como parte da campaña ecolóxica Recycle for Rugby. 

Con todo, en materiais insólitos non hai nada tan sorprendente como os altofalantes de arxila Mapu Guaquén, obra do deseñador chileno Pablo Ocqueteau, que os moldea nun torno de oleiro e mestura a arte da cerámica con tradicional coa tecnoloxía inalámbrica máis moderna. 

Electrodomésticos sen electricidade: Un bo exemplo é o sistema de aire acondicionado portátil Evapolar, un cubo de 16 cm x 16 cm que, mediante evaporación de auga, é capaz de refrigerar unha habitación pequena en pouco tempo. Outro invento curioso é a lavadora a pedais Drumi, que cunha carga completa de 5 litros de auga permite lavar ata 6 ou 7 pezas (un 2 kg de roupa). 

Baterías responsables: Unha das máis interesantes, Bioo, é unha pila biolóxica desenvolvida por tres estudantes andaluces que, conectada a unha maceta, é capaz de obter electricidade a partir da fotosíntesis das plantas. Outras baterías ecolóxicas son Jaq, que usa celas de hidróxeno ou o cargador solar de XD Design que se adhire ás xanelas.

Transporte limpo: Unha das máis rechamantes é o zepelín xigante Airlander 10, un dirixible que os seus creadores expoñen como unha alternativa eficiente e ecolóxica aos avións comerciais actuais (contamina un 70% menos). 

Vía: Gestores de Residuos