• Chegar ás persoas ou organizacións que aínda non están involucrados na acción climática.
• Informar, inspirar e apoiar a acción climática dentro das súas comunidades e redes.
• Liderar, a través do seu exemplo, a acción climática e a protección do medio.
• Converterse nunha ponte entre a sociedade civil, os grupos de interese implicados na acción climática e a Comisión Europea.

Quen pode converterse en persoa embaixadora?

• Calquera persoa individual pode solicitar ser embaixadora. 
• As organizacións poden propoñer unha persoa representante que se convertería en embaixadora no seu nome  (neste caso, para cambiar de representante é necesario informar á Comisión e enviarlle unha xustificación do cambio).

En calquera caso, as persoas embaixadoras comprométense a respectar os valores do pacto.

• Recoñecemento público do seu papel por parte da Comisión Europea, por exemplo, no sitio web do pacto.
• Visibilidade para a súa acción climática, por exemplo, no sitio web do pacto e en redes sociais.
• Adquisición de ferramentas de comunicación, por exemplo, un kit de comunicación do pacto (dispoñible a principios de 2021)
• Acceso á rede de persoas embaixadoras.

• Impartir charlas sobre o cambio climático durante as actividades que se realicen de xeito habitual na súa contorna, especialmente dirixidas ás persoas que aínda non  participan na acción climática.
• Interceder no ámbito nacional, rexional e local para persuadir ás autoridades públicas, escolas, organizacións e empresas para que se comprometan con accións e establezan compromisos ambiciosos en materia de clima.
• Colaborar coas comunidades locais, especialmente cos grupos vulnerables e de baixos ingresos, con accións de comunicación e actividades de acción climática adaptados ao contexto, aos desafíos e ás necesidades locais.
• Intercambiar coñecementos cientificamente contrastados e sensibilizar sobre temas relacionados co cambio climático, por exemplo, mediante a organización de eventos e debates temáticos en liña ou de xeito presencial, a realización de campañas nos medios de comunicación e as redes sociais, a publicación de datos, coñecementos especializados e historias relacionadas co cambio climático, e a procura de novas formas e canles para aumentar a sensibilización sobre o cambio climático.
• Organizar actividades relacionadas co clima e a acción ambiental, por exemplo, plantar árbores, organizar mesas de información, días sen coches, etc.
• Interconectar as persoas  que son activistas climáticas locais con outras redes locais, estatais e europeas.  
• Intercambiar coñecementos, por exemplo, mediante a capacitación entre iguais, para axudar a calquera persoa a iniciar ou ampliar as iniciativas sobre o clima
• Probar diversas solucións climáticas para que poidan ser  replicadas e difundidas noutros lugares.