Este mapa mostra os quilos de lixo por persoa que se xeran ao ano en cada país. Ademais, os dez puntos en negro indican algúns dos vertedoiros máis grandes do mundo.

Os datos de xeración de lixo están extraídos de diversas fontes, entre elas o informe What a waste: A global review of solid waste managment elaborado polo Banco Mundial, os últimos indicadores de Eurostat e publicacións de xeración de residuos de cada país compilados pola organización The Waste Atlas.

Os vertedoiros están seleccionados de acordo á listaxe The world's 50 biggest dumpsites:30 publicado por The Waste Atlas. Entre eles figuran Agbogbloshie, o vertedoiro electrónico de Accra (Ghana), considerado o lugar máis tóxico do planeta segundo un informe de Green Cros Switzerland e o Blacksmith Institute, e onde máis de 10.000 persoas despiezan aparellos para revender os seus compoñentes. Ou Estrutural (Brasília, Brasil), un dos máis grandes e antigos do mundo, que acumula 25 millóns de toneladas de refugallos nos 50 anos que leva activo.

O seguinte gráfico clasifica os países con maior taxa de reciclaxe a partir de datos da OCDE e Eurostat. A porcentaxe mostra a cantidade de residuos sólidos urbanos recuperados respecto ao total xerado de todas as partidas (materia orgánica, envases industriais, envases domésticos, vidro, celulosa, téxtil, cascallos, metais).