Na web da iniciativa vanse contabilizando todas as achegas dos cidadáns que participan. As instrucións do xogo son moi sinxelas: localizar lixo na praia, facerlle unha foto e compartilas co hashtag #basurikemon e, "coa man que queda libre", atrapala e tirala á papeleira ou a un colector de reciclaxe. 

"Poida que un basurikemon non lance hidrobombas ou puños de xeo, pero son moito máis daniños para os nosos mares e océanos. Cada ano entran o mar 8 millóns de toneladas de plástico; de seguir así, en 2050 haberá máis cantidade de plásticos que de peixes", explícase na web deste xogo sustentable.

Todos os desperdicios teñen nomes similares aos personaxes que se capturan en Pokémon Go: Bolsachu son os plásticos; Chanclander, as chanclas abandonadas nas praias; Botellinx, as botellas de plástico e vidro; Pitillachu, as cabichas; Rattalata, as latas de refrescos e de conservas; e Anillynx, as argolas das latas.

Ademais de sumar as cantidades de lixo atopado por tipoloxía, tamén se creará un mapa das praias españolas máis saturadas de desperdicios para concienciar á cidadanía. Para iso, se geolocalizarán as mensaxes dos usuarios.

O xogo-campaña de concienciación é un proxecto do diario dixital valenciano de información ambiental, Samaruc Dixital, da consultora de AGR Ideas de Valor e da asociación Xaloc. Colabora a axencia de márketing dixital "Un Community Manager" e a produtora audiovisual Basic Films.

Vía: Gestores de Residuos

Foto de  Basurikemon