Amigos da Terra España organiza este sexto curso, o cuarto que celebran en Galicia, dentro do Programa Empleaverde da Fundación Biodiversidad do Ministerio para a Transición Ecolóxica, en colaboración co Concello de Santiago e a Deputación Provincial da Coruña, e cofinanciado co Fondo Social Europeo.

O curso está destinado a persoas en situación de desemprego, preferentemente mulleres menores de 35 e maiores de 45 anos. Terá lugar entre os días 4 e 19 de novembro, cunha duración de 50 horas lectivas, das cales 36 serán de formación teórica online e as outras 14 empregaranse en visitas e prácticas presenciais tanto en horario de mañá como de tarde. Por mor das recomendacións sanitarias o curso desenvolverase de xeito online na súa parte teórica e presencial nas prácticas. Atoparás máis información e o programa seguindo esta ligazón.

Nesta ligazón atopará o formulario de inscrición.

Tes toda a información dispoñible na páxina web de Amigos da Terra.