10 Documentais sobre Cambio Climático e Natureza que non podes perderte

Traémosche a recompilación de Mundosinresiduos de películas e documentais sobre cambio climático que poderás ver comodamente desde o sofá da túa casa.

347f9193c5c641efc212422439120426160e6d83

10 documentais que che farán querer pasar á acción. 


1. Besa la tierra: Agricultura Regenerativa (Kiss the Ground)

Todos sabemos que a agricultura e a gandería actuais non son sostibles. Pero… Como podemos reverter os efectos negativos deste enorme negocio?

Nesta película documental, expertos científicos e celebridades activistas, como a modelo Gisele Bündchen e o actor Ian Somerhalder, explican as formas en que o chan terrestre pode ser a clave para combater o cambio climático e preservar o planeta.

Mesmo expoñen como se pode reducir a curva ascendente de CO2.

Dispoñible en: Netflix


2. En busca del coral (ChasingCoral)

Neste documental móstranse as consecuencias do cambio climático nun dos lugares onde menos ven: as profundidades dos océanos e, máis exactamente, na Gran Barreira de Coral.

Paréceme un documental fascinante que, aínda que denuncia a morte de miles de quilómetros de extensión destes seres vivos por mor do quecemento global, tamén se penetra na natureza e mostra a gran beleza dos arrecifes de coral.

Un apuntamento persoal: os corais e demais especies mariñas tamén ven afectadas por outros factores, por exemplo o uso de protectores solares con filtros químicos. 

Dispoñible en: Netflix

3. Nuestro planeta

O noso planeta converteuse nunha documental estrela e imprescindible. Esta serie de oito capítulos narrada por Penélope Cruz céntrase en explicar como o cambio climático está a arrasar con distintos ecosistemas en todo o mundo (desde o Ártico conxelado ata a selva tropical e as augas costeiras).

As imaxes son impresionantes e transmiten unha gran mensaxe sobre a conservación do planeta. A rodaxe desta serie durou 4 anos e fíxose en máis de 50 países.

Dispoñible en: Netflix


4.Lo que el pulpo me enseñó

O que o polbo me ensinou non é outro documental máis de animais senón que lanza unha mensaxe esperanzadora de reencontro entre o ser humano e a natureza. 


É un documental no que o director Craig  Foster forxa unha amizade cun polbo que vive nun bosque de algas. O tema central que transmite é a procura do sentido da vida e o director móstranos como consegue atopar as respostas ás súas preguntas ao longo de varias inmersións na natureza.

Dispoñible en: Netflix


5.  Seaspiracy

Seaspiracy é un dos documentais de  Netflix máis importantes do momento e expón unha “conspiración” que lentamente está a destruír a vida mariña e os océanos do planeta.

Este documental presenta o lado escuro da industria da pesca e a gran envergadura da pesca industrial, mostrando que o mar está a pasar por unha situación que é igual ou aínda máis daniña que a da agricultura moderna e ensinando algúns dos problemas que ignoramos, como son a industria dos mariscos e a destrución dos océanos.

Dispoñible en: Netflix


6. 2040

É un documental escrito e dirixido por Damon Gameau, un director australiano que tenta mostrar á súa filla Velvet, de 4 anos, como podería ser a vida no planeta no 2040 se cada cidadán puxese un pouco do seu parte para rexenerar o que aínda podemos salvar.

Neste documental exponse unha visión positiva do noso futuro en 2040, onde se imaxina como podería ser o mundo en 20 anos se adoptásemos a tecnoloxía e coñecementos que xa temos á nosa disposición para reducir o carbono presente na nosa atmosfera.

Non está dispoñible en streaming.

7.  Zac Efron: Con Los Pies en la Tierra (Down to Earth)

Down To Earth é unha serie documental protagonizada por Zac Efron. Durante cada capítulo, o actor estadounidense viaxa ao redor do mundo á beira de Darin Olien, un experto en hábitos de vida saudable e superalimentos e fundador da plataforma SuperLife e xuntos descobren os costumes sostibles de cada un dos países que visitan.

Durante a súa viaxe, ao longo de 8 capítulos, mostran modos de vida sostible, exemplos de alimentación orgánica e de novas enerxías renovables.

Dispoñible en: Netflix

8. Minimalismo: as cousas importantes

Este documental mostra os beneficios do “menos é máis” a través dos testemuños de varias persoas, en contra do consumo impulsivo presente en Estados Unidos.

E é que, efectivamente, menos é máis.

Con este documental aprenderás porque é importante afastarnos do actual modelo de sociedade baseada no consumismo compulsivo (en calquera ámbito, xa sexa no da moda ou as vivendas) e as consecuencias que isto ten tanto a nivel persoal como a nivel ambiental.

Dispoñible en: Netflix

9. Antes que sea tarde ( Before the flood)

Seguro que se che digo que neste documental aparece Leonardo DiCaprio xa te animas a velo. Pois si, nesta produción o actor e activista DiCaprio visita diferentes partes do mundo como, por exemplo, Groenlandia ou as selvas de Sumatra co obxectivo de chegar a comprender as consecuencias do cambio climático xeradas polo home e explicalas dunha maneira que todo o mundo poida entender.

Durante a súa viaxe reúnese con activistas, científicos e líderes mundiais como Barack Obama e o Papa Francisco para propoñer solucións á crise climática que estamos a vivir. Por este motivo é dos documentais de medio ambiente que máis atención tivo por parte dos medios.

Dispoñible en: Disney +

10. WALL-E (película para nen@s e non tan nen@s)

Que non che engane o seu estilo animado: Wall-E é unha película que recomendo tanto a nen@s como a adultos porque transmite unha mensaxe importantísima.

Esta película sitúase nun planeta Terra post-apocalíptico, abandonado e afundido entre lixo por culpa dos seres humanos (algo familiar, verdade?). Neste contexto,  WALL-E é un robot creado para limpar os refugallos que cobren o planeta.

É unha chamada á conciencia que nos di que aínda estamos a tempo de evitar catástrofes humanitarias e aparte, tamén trata outros temas como o consumismo, os hábitos alimentarios saudables e a actividade física.

Dispoñible en: Disney +

Artigo traducido ao galego e adaptado dende Mundosinresiduos. Consulta aquí o orixinal.
Foto de Anastasia Shuraeva en Pexels
Voltar o listado

Empregamos cookies propias e de terceiros para mellorar a experiencia do usuario a través da sua navegación. Se continúas a navegar aceptas o seu uso. Política de cookies

Continuar navegando